Acacio Cardoso Amaral, Ph.D.
Acacio Cardoso Amaral, Ph.D. Hanesan oan daneen hosi maun-alin na’in hitu (7). Moris iha Tilomar, Covalima iha loron 12 Fulan Juñu 1974. Servisu hanesan dosente permanente iha Departamento Agropecúaria desde 2004 & Departamento de Saúde Animál des de 2011 iha Faculdade de Agricultura, Universidade Nacional Timor-Lorosa’e (UNTL) no dosente destakadu iha Departamento de Produção Animál, Escola Superiór Agronomia e Zootécnica, Instituto Politécnico de Betano (IPB) Kay Rala Xanana Gusmão des de 2017. Hanesan dosente universitariu, prinsipalmente hanorin material sira hanesan Moras Prinsipál iha Animál, Parasitolojia no Epidemiolojia. Autór mos hanesan fundador ida bá Instituto Politécnico Betano (IPB).
Autór, hasai nia kursu Bachelor of Veterinary Science (BVSc) hosi Fakultas Kedokteran Hewan, Universitas Udayana, Bali iha 1999. Hasai kursu Master of Tropical Veterinary Science (MTVSc) hosi Faculty of Health, School of Tropical Veterinary and Biomedical Sciences, James Cook University, Australia iha 2004 no Doutoramentu (Ph.D) hosi Faculty of Health, School of Biomedical Sciences, Murdoch University, Australia iha 2011.
